MARAQLI

Tarix:03/09/12

Yerli bank “Facebook”da virtual oyun keçirir

"Bank of Baku"nun “Facebook” sosial şəbəkə səhifəsində "Faizlər qayıdır" kampaniyasının ictimai təbliği məqsədi ilə "Faiz gəldi, uçdu getdi quşlar" adlı hədiyyəli virtual oyuna start verilir. “ICTnews” elektron xəbər xidməti banka istinadən verdiyi məlumata görə, virtual oyunda iştirak etmək üçün bu ünvana daxil olmaq tələb olunur: “http://www.facebook.com/bankofbaku”.

Onlayn oyun çərçivəsində hər həftə ən çox xal toplamış üç nəfər qalib müəyyən ediləcək. Hər həftənin bazar ertəsi ötən həftənin qalibləri açıqlanacaq. "Bank of Baku"dan qaliblərə dünya şöhrətli müğənnilər Şakira, Cenifer Lopez və Rihannanın Bakıda baş tutacaq konsertinə biletlər təqdim olunacaq.
Onlayn oyunun qalibi olmuş şəxslərə habelə pul mükafatı və “Gold” kart hədiyyə ediləcək.

CAHANGİR

Baxış sayı: 2961