XƏBƏRLƏR

Tarix:13/09/12

“Fujifilm” şirkəti fotoplyonkadan imtina edir

Yaponiyanın yeganə kinoplyonka istehsalçısı olan “Fujifilm” şirkəti gələn ilin əvvəlində onun istehsalını dayandıracaq. “Fujifilm” şirkəti artıq 80 ildir ki, kinokameralar üçün plyonka istehsal edir. Şirkət nümayəndələrinin sözlərinə görə, istehsalın dayandırılması haqqında müvafiq qərar onun gəlirli olmaması ilə əlaqədardır.

“ICTnews.az” elektron xəbər xidməti “cybersecurity.ru” saytına istinadən bildirir ki, Yaponiyanın Kinematoqrafçılar Cəmiyyətinin sədri Kitaro Kanemasu onların təşkilatının təxminən 80 il “Fujifulm” şirkəti ilə işlədiyini qeyd edib və bu xəbərin onu məyus etdiyini nəzərə çatdırıb, çünki kinoplyonka – kino tarixinin bir hissəsidir və rəqəmli kameralarla müqayisədə bəzi üstünlüklərə malikdir.

Şirkətdən bildirilib ki, “Fujifilm” daha əvvəllər çəkilmiş filmlərin ehtiyat köçürülməsi üçün nəzərdə tutulmuş xüsusi plyonka istehsalına davam edəcək.

EMİL

Baxış sayı: 776