12px13px15px17px
Tarix:13/09/12

Rezidenturaya ixtisas seçiminə buraxılmış namizədlər "Elektron ərizələr"ini təsdiqləməlidirlər

Tələbə Qəbulu üzrə Dövlət Komissiyası (TQDK) rezidenturaya qəbul imtahanları nəticəsində ixtisas seçiminə buraxılmış namizədlərə və ümumi orta təhsil bazasında orta ixtisas təhsili müəssisələrinə qəbul olanlara növbəti xəbərdarlığını edib.

Rezidenturaya qəbul imtahanları nəticəsində ixtisas seçiminə buraxılmış namizədlərin ixtisas seçimi sentyabrın 14-də saat 9:00-da başa çatır.

Həmin vaxta qədər ixtisas seçiminə buraxılmış bütün namizədlər ixtisas seçimi etməli və "Namizədin elektron ərizəsi"ni təsdiqləməlidirlər. Ərizələrini təsdiqləməyən namizədlər müsabiqədə iştirak etmək hüququnu itirirlər.

Ümumi orta  təhsil bazasında (9 illik) orta ixtisas təhsili müəssisələrinə qəbul olanların da qeydiyyat müddəti sentyabrın 14-də saat 17:00-da başa çatacaq.

Qəbul olanlar həmin müddətə qədər tələb olunan sənədləri təqdim etməklə qəbul olduqları təhsil müəssisəsində qeydiyyatdan keçməlidirlər. Göstərilən müddətədək qeydiyyatdan keçməmək abituriyentin müvafiq ixtisasa yerləşdirilməkdən imtina etməsi kimi qiymətləndiriləcək.




Baxış sayı: 489

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 May 2020

28 05 2020