XƏBƏRLƏR

Tarix:19/09/12

Amerikalılar köhnə mobil telefonların qəbulu üçün avtomatlaşdırılmış məntəqə hazırlayıblar

Amerikalı mühəndislər istifadə edilmiş mobil telefonlar üçün avtomatlaşdırılmış qəbul məntəqəsi hazırlayıblar. Qurğu aparatın qalıq dəyərini müəyyən edir və sonra mobil telefonun sahibinə aşağıdakı seçimləri təklif edir: mobil telefonu özündə saxlamaq, yenisini satın almaq üçün kupon əldə etmək və ya pulu xeyriyyə təşkilatlarının hesabına göndərmək.

“ICTnews.az” elektron xəbər xidməti “tech.onliner.by” saytına istinadən bildirir ki, 2012-ci ilin sonunadək 300 belə aparat hazırlamaq planlaşdırılır. Bu aparatlar sonradan iri mağaza və ticarət mərkəzlərində quraşdırılacaq.

Keçirilmiş sınaqlar nəticəsində aparatın dəqiqliyinin 97,5 faiz təşkil etdiyi məlum olub. İstehsalçılar əldə etdikləri əlavə maliyyələşdirmə sayəsində sistemi təkmilləşdirməyə hazırlaşırlar.

EMİL

Baxış sayı: 878