12px13px15px17px
Tarix:01/10/12

“Azneft”də yeni texnika və texnologiyaların mənimsənilməsi üçün kurslar təşkil olunub

Dünyamiqyaslı transmilli  şirkətə çevrilməyi qarşısına məqsəd qoymuş  ARDNŞ rəhbərliyi tərəfindən istehsalatın bütün sahələrində müasir texnika və texnologiyaların tətbiqinə xüsusi diqqət yetirilir. O cümlədən  şirkətin nəqliyyat  parkı  müasir və mürəkkəb texnikalar və avtomobillərlə yeniləşdirilir. Bu texnika və avtomobillərin istismarı və təmiri xüsusi bilik və təcrübə tələb edir.

“ICTnews” elektron xəbər xidmətinin  “Azneft” İB-yə istinadən verdiyi məlumata görə, birliyin Nəqliyyat Departamentində çalışan mühəndis texniki  və  bilavasitə təmir prosesində iştirak edən işçilərin əksəriyyəti Sovetlər birliyi dövründə istehsal edilmiş nəqliyyat və  xüsusi texnika vasitələri üzrə  ixtisaslaşdıqlarından  onların yeni texnika və texnologiyanı mənimsəmələri üçün biliklərinin artırılması vacibliyi yaranıb.

Bununla əlaqədar olaraq Nəqliyyat Departamentinin təşəbbüsü ilə Azərbaycan Texniki Universitetinin Avtomobil daşımaları və yol hərəkətinin təşkili kafedrasının dosenti, texnika elmləri namizədi Fərhad Çinar oğlu Eyyubov  dəvət olunub və müvafiq kurslar, seminarlar təşkil edilib.

CAHANGİR




Baxış sayı: 814

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024