XƏBƏRLƏR

Tarix:03/10/12

“Samsung” şirkəti “iPhone 5” smartfonuna qarşı iddia qaldırıb

Bu yaxınlarda təqdim edilmiş "iPhone 5” smartfonu artıq məhkəmə iddiasına tuş gəlib. Britaniyanın “BBC” radiokorporasiyasının verdiyi məlumata əsasən, Cənubi Koreyanın "Samsung" şirkəti ABŞ-da “Apple” şirkətinə qarşı qaldırdığı məhkəmə iddiasına bu telefonu da daxil edib. Cənubi Koreya istehsalçısı iddia edir ki, Amerika şirkəti ona məxsus səkkiz patenti pozub.

“ICTnews.az” elektron xəbər xidməti “itar-tass.com” saytına istinadən bildirir ki, "mübahisə edilən innovasiyalar arasında foto, musiqi və videofaylların bir neçə qurğu arasında sinxronlaşdırılması yolu, həmçinin videonun internet vasitəsilə göndərilməsi metodikası var” – “BBC” dəqiqləşdirdi.
İddiaya 2014-cü ilin martında ABŞ-da baxılmalıdır.

EMİL

Baxış sayı: 780