PROQRAM TƏMİNATI

Tarix:11/10/12

“Windows 7” hakerlərin “sevimli”sinə çevrilməkdədir

“Microsoft” şirkəti öz “Windows” əməliyyat sistemləri (ƏS) əsasında işləyən kompüterlərin ziyanverici koda yoluxma səviyyəsini qiymətləndirib.

“ICTnews.az” elektron xəbər xidməti “dailycomm.ru” saytına istinadən bildirir ki, “Windows 7” platformasının 2012-ci ilin ikinci yarısında virusa yoluxma dərəcəsi ötən illə müqayisədə 182 faiz artıb, lakin “Windows 7” ilə müqayisədə “Windows XP” istifadəçilərinin haker hücumuna məruz qalmaq riski 2-3 dəfə çoxdur.
Tədqiqat məlumatlarına əsasən, 2012-ci ilin ikinci rübünə əsasən, “Windows XP SP3” ƏS-nin virusa yoluxma səviyyəsi hər 1000 kompüterə 9,5-ə bərabərdir. Müqayisə üçün qeyd edək ki, bu göstərici “Windows 7 RTM x86”-da 5,3-ə, “Windows 7 SP1 x64”-də 3,1-ə bərabər olub.

Ekspertlər qeyd ediblər ki, hakerlərin “Windows 7” ƏS ilə işləyən kompüterlərə tez-tez hücum etməyi tamamilə başadüşüləndir. "Windows 7” həm istehlakçı, həm də korporativ müştərilərin qəbul etdiyi birinci platform olub. Sözsüz ki, buna müəyyən vaxt lazım oldu.

Bazardakı vəziyyəti nəzərə alaraq, cəsarətlə söyləmək olar ki, hakerlər bu ƏS-nə hücumlarına davam edəcəklər" – “nCircle Security” şirkətində əməliyyatların təhlükəsizlik məsələləri üzrə direktoru Endryu Storms bildirib.“Windows 7” ƏS hazırda ən populyar sistemdir. Onun bazar payı 42.76 faiz təşkil edir.

EMİL

Baxış sayı: 1479