XƏBƏRLƏR

Tarix:11/10/12

Türkiyə ekspress filialların sayını artıracaq

Türkiyənin “ASE” şirkətinin Azərbaycan nümayəndəliyi regionlarda daha bir filial açacaq. Bu barədə “ICTnews”-a məlumat verən nümayəndəliyin rəhbəri Rəşad Abbasov biznes sirri olduğu üçün bölgənin adını açıqlamayıb. Naxçıvanın ardınca Gəncədə filial açan şirkət beynəlxalq yükdaşımalara tələbatın böyük olduğunu bildirdi.

Onun sözlərinə görə, Regionların Sosial İqtisadi İnkişafı Dövlət Proqramının həyata keçirilməsi ilə bölgələrdə başlanan inkişaf bütün sahələrin, o cümlədən özəl poçt sektorunun inkişafına şərait yaradıb. Hal-hazırda şirkətin dünyanın 200-dən çox, o cümlədən qeyd etdiyimiz kimi, Azərbaycanda nümayəndəliyi var.

Qeyd edək ki, beynəlxalq kuryer xidməti, kiçik və böyük qabaritli yüklərin (qapıdan qapıya) hava nəqliyyatı ilə daşınması, yüklərin “qarışıq yük” rejimində tirlərlə daşınması, gömrük xidməti, kollekt yükün anbarlanması və sığortası xidmətlərini təmin edən şirkət Azərbaycanda 1994-cü ildən fəaliyyət göstərir.

RƏVAN

Baxış sayı: 869