PROQRAM TƏMİNATI

Tarix:22/07/11

“Mac OS X Lion” əməliyyat sistemi ilk gün ərzində 1 milyondan çox yüklənib

“Apple” şirkətinin mətbuat xidməti bu gün elan edib ki, yeni “Mac OS X Lion” əməliyyat sisteminin istifadəyə verilmə anından ilk gün ərzində bu əməliyyat sisteminin elektron distribütivlərinin yüklənmə sayı 1 milyonu ötüb. Qeyd edək ki, bu sistemi “Mac App Store” elektron mağazasında 30 dollar qiymətində əldə etmək olar. Bu gün “Mac App Store” onlayn meydançası, Rusiya və bəzi MDB ölkələri daxil olmaqla 123 ölkə üçün açıqdır.
Şirkətin rəsmi bəyanatına əsasən, “Lion” əməliyyat sistemində təxminən 250 yeni funksiya reallaşdırılıb. Ən əhəmiyyətli yeniliklər arasında şirkət “Multi-Touch-jest” dəstəyini, bir proqramdan bütün kompyuteri idarə etməyə icazə verən yeni “Mission Control” idarə sistemini, quraşdırılmış “Mac App Store” və bir qədər yenilənmiş işçi stolu fərqləndirir. “10.7” versiyasının digər əhəmiyyətli funksiyaları arasında avtomatik saxlama sistemini qeyd etmək olar. Belə ki, sistem özü əməliyyat sistemi səviyyəsində sənəd və layihələrin saxlanılmasının qayğısına qalır. Yeni “AirDrop” funksiyası “Mac” şəbəkəsində olanları tapır və sürətli fayl mübadiləsi üçün avtomatik onlara qoşulur. Əməliyyat sisteminin yükləmə sürətinin ölçüsü 4 qiqabayt həcmindədir. “Lion” əməliyyat sistemi yalnız “İntel Mac”-da “Core 2 Duo”, “Core i3”, “i5” və “i7” prosessorları, həmçinin “Xeon” çipləri ilə işləyir. Əməliyyat sisteminin normal işləməsi üçün ən azı 2 Qb əməli yaddaş tələb olunur.

cybersecurity.ru

Baxış sayı: 1229