XƏBƏRLƏR

Tarix:16/01/13

İndoneziyanın marşalı Elektron hesablayıcı maşınlar zavodunda olub

Bu gün Müdafiə Sənayesi Nazirliyində (MSN) Azərbaycanda səfərdə olan İndoneziyanın Müdafiə Nazirliyinin baş katibi, marşal Eris Herryantonun başçılıq etdiyi nümayəndə heyətilə görüş keçirilib.

Bu barədə "ICTnews.az" elektron xəbər xidmətinə MS-nin mətbuat xidmətindən məlumat verilib. Məlumatda bildirilir ki, nümayəndə heyətinə nazirliyin fəaliyyəti ilə bağlı ətraflı məlumat verilib.

Görüşdə İndoneziya ilə Azərbaycan arasında müdafiə sənayesi sahəsi üzrə əməkdaşlığın perspektivləri müzakirə edilib. Tanışlıq xarakteri daşıyan görüşdə İndoneziya Respublikasının Azərbaycandakı səfiri Raden Prayono Atiyanto görüşdə iştirak edib.

Səfər çərçivəsində nümayəndə heyəti Müdafiə Sənayesi Nazirliyinin müəssisələrində istehsal olunan məmulatlarla tanış olmaq üçün nazirliyin Elektron hesablayıcı maşınlar zavoduna baş çəkiblər.

SEYMUR

Baxış sayı: 869