XƏBƏRLƏR

Tarix:23/01/13

Azərbaycan Avropa İrs Şəbəkəsi layihəsinin elektron məlumat bazasının yenilənməsi ilə bağlı keçirilən tədbirdə təmsil olunub

21-22 yanvar tarixində İsveçrənin Bern şəhərində Avropa Şurasının və İsveçrə Hökumətinin birgə təşkilatçılığı ilə Avropa İrs Şəbəkəsi (HEREİN) layihəsinin koordinatorlarının işçi qrupunun görüşü keçirilib.

"ICTnews" elektron xəbər xidmətinin Mədəniyyət və Turizm Nazirliyinə istinadən verdiyi məlumata görə, işçi qrupunun görüşünün keçirilməsinin əsas məqsədi layihənin elektron məlumat bazasının yenilənməsi ətrafında müzakirələrin aparılması olub.

Sözügedən tədbirdə Azərbaycanı MTN-in Mədəni irs şöbəsinin bərpa-layihələndirmə və ekspertiza sektorunun aparıcı məsləhətçisi Teymur Vəliyev təmsil edib. Avropa İrs Şəbəkəsi (HEREİN) 1999-cu ildə Avropa Şurası tərəfindən təsis edilib və təşkilata üzv dövlətlərin mədəni irs sahəsində dövlət siyasətini həyata keçirən orqanların koordinasiyasını təşkil edən beynəlxalq şəbəkədir. CAHANGİR

Baxış sayı: 906