XƏBƏRLƏR

Tarix:31/01/13

“Mikelancelo əli” sınaqdan keçirilib

Almaniya istehsalı olan "Mikelancelo əli" adlı yeni nəsil unikal protezin ilk istifadəçisi böyük britaniyalı Kristofer Teylor olub. "ICTnews.az" elektron xəbər xidməti Azərbaycan Milli Elmlər Akademiyasının saytına istinadən bildirir ki, Teylor bir neçə il bundan öncə bədbəxt hadisə nəticəsində əlini itirib.

Əlillik onun professional karyerasına son qoymaqla yanaşı, həm də bütün həyatını çətinləşdirib. Lakin o əmindir ki, yeni protez ona özünü yenidən fiziki cəhətdən sağlam hiss etməyə və sevimli işinə qayıtmağa kömək edəcək.

Teylorun sözlərinə görə, insanın təbii əlindən demək olar ki, fərqlənməyən süni əl müxtəlif əşyalarla rahat davranmağa imkan verir. Məhdud sayda istehsal olunan protezin qiyməti 75 min dollardır. Qurğu müxtəlif metallar və plastik kütlədən istifadə etməklə hazırlanıb.

Süni bilək təbii əlin quruluşunu tamamilə təkrarlayır. Barmaqlar isə beyin neyronlarının siqnalları vasitəsilə hərəkətə gətirilir.

Emil Hüseynov

Baxış sayı: 886