12px13px15px17px
Tarix:04/02/13

“Windows 8”-in mövcudluğu hələ ki hiss olunmur

"Net Applications" tədqiqat şirkətindən verilmiş məlumata əsasən, "Windows 8" əməliyyat sistemi (ƏS) hələ ki fərdi kompüter bazarına o dərəcədə təsir göstərmir. Şirkətin məlumatına əsasən, cari il yanvarın sonuna "Windows 8"-in əməliyyat sistemləri bazarında payı 2,26 faizə çatıb.

Müqayisə üçün qeyd edək ki, 2012-ci il noyabrın sonunda bu sistemin payı 1.09, dekabrda isə 1,72 faiz təşkil etmişdi.

Xatırladaq ki, "Windows 8"-in ticari versiyası oktyabrın 26-da bazara çıxarılıb. "ICTnews.az" elektron xəbər xidməti "cybersecurity.ru" saytına istinadən bildirir ki, "Windows 7" ƏS bazarının lideridir: onun bazar payı 44,4 faiz təşkil edir. 39,5 faiz göstəriciyə malik "Windows XP" ikinci yerdə qərarlaşıb. "Windows Vista" (5.24 faiz) üçüncüdür. "Windows 7" ilə müqayisədə "Windows 8"-in vəziyyəti heç də yaxşı deyil. Belə ki, 2009-cu ilin oktyabrında istifadəyə verilmiş "Windows 7" ƏS-in 2010-cu ilin fevralında bazar payı artıq 7,71 faizə bərabər idi.

"Net Applications" bildirib ki, cari bazar tendensiyasına görə, "Windows 8" kəskin şəkildə deyil, tədricən artacaq.

Emil Hüseynov



Baxış sayı: 670

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024