XƏBƏRLƏR

Tarix:16/02/13

26 rayonda torpaqlar elektron formatda xəritələşdirilib

"Azərbaycan Respublikası regionlarının 2009-2013-cü illərdə sosial-iqtisadi inkişafı Dövlət Proqramı" üzrə respublikanın 34 rayonunda (Yevlax, Ağdaş, Ağsu, Abşeron, Ağcabədi, Beyləqan, Cəlilabad, Şabran, Xaçmaz, Goranboy, Qəbələ, Masallı, Şəmkir, Şəki, Tovuz, Zərdab, Zaqatala, Kürdəmir, Siyəzən, Lənkəran, Yardımlı, Quba, Şamaxı, Samux, İmişli, Füzuli, Tərtər, Balakən, Qazax, Saatlı, Daşkəsən, İsmayıllı, Qobustan və Qusar) 1709,8 min nöqtədə torpaqların texniki uçotu elektron formatda işlənib xəritələşdirilməsi, eyni zamanda respublikanın 26 rayonunda torpaqların iqtisadi qiymətləndirilməsinin elektron formatda işlənib xəritələşdirilməsi üçün isə 562 obyekt üzrə işlər həyata keçirilib.

"ICTnews" elektron xəbər xidmətinə bu barədə Dövlət Torpaq və Xəritəçəkmə Komitəsindən (DTXK) məlumat verilib. Komitədən bildirilib ki, "2008-2015-ci illərdə Azərbaycan Respublikasında əhalinin ərzaq məhsulları ilə etibarlı təminatına dair Dövlət Proqramı" çərçivəsində 2012-ci ildə Torpaq ehtiyatlarının inventarlaşdırılması, onların kəmiyyət və keyfiyyət göstəricilərinin dəqiqləşdirilməsi üçün 6 rayonun ərazisində cəmi 52957 hektar sahədə, o cümlədən Beyləqanda 12803 ha, Füzulidə 3583, İmişlidə 16729 ha, Saatlıda 5848 ha, Oğuzda 7251 ha, İsmayıllıda 6743 ha suvarılan torpaqların inventarlaşdırılması işləri həyata keçirilib.

Torpaqların keyfiyyət göstəricilərinin dəqiqləşdirilməsi üzrə 3 rayon 38 İƏD 104,2 min ha sahədə bonitirovka işləri aparılaraq xəritələşdirilib, 16 rayon üzrə 176 İƏD 547,5 min ha üzrə torpaqların iqtisadi qiymətləndirilməsi elektron formatda başa çatdırılıb.

İnzibati rayonlar üzrə elektron (rəqəmli) torpaq-kadastr xəritələrinin hazırlanması üçün elektron taxeometr və GPS alətlərini tətbiq etməklə 17 rayon 83 inzibati ərazi dairələri üzrə elektron (rəqəmli) torpaq-kadastr xəritələrinin tərtibi üçün planlama işləri aparılıb.

HƏQİQƏT

Baxış sayı: 1179