XƏBƏRLƏR

Tarix:21/02/13

Oyunsevərlərə müjdə

“Sony” şirkəti rəsmən “PlayStation 4” yeni nəsil oyun qurğusunu təqdim edib. “ICTnews.az” elektron xəbər xidməti “mincom.gov.az” saytına istinadən bildirir ki, yeni qurğu standart proqram təminatına əsaslanır və “X86” arxitekturalı prosessordan istifadə edir ki, bu da oyun yaradıcılarının işini xeyli asanlaşdırmalıdır.

“Sony” nümayəndələri aparatın oyun sənayesini yeni səviyyəyə yüksəldəcəyinə əminliklərini ifadə ediblər. Xüsusilə, qurğu sosial platformalara inteqrasiya ediləcək ki, bu da faktiki olaraq tamamilə videooyunlara həsr edilən dünya sosial şəbəkəsini yaratmağa imkan verəcək.

Bundan başqa, “PlayStation 4” üçün “DualShock 4” adlandırılan kontroller də təqdim olunub. Kontrollerin əvvəlki modellərdən əsas fərqləndirici cəhəti taçpad (sensorlu idarəetmə), qulaqcıq çıxışı və əlavə düymələrin olmasındadır. “PlayStation 4”-ün rəsmi qiyməti haqqında məlumat hələ ki verilmir.

Emil Hüseynov

Baxış sayı: 716