12px13px15px17px
Tarix:27/03/13

Torpaq kadastrı sisteminin dövlət orqanlarının informasiya sistemlərinə inteqrasiyası üzrə işlər davam edir

2012-ci ilin oktyabrından etibarən həyata keçirilən "Torpağın Avropa İttifaqının qiymətləndirmə standartlarına uyğun olaraq bonitirovkası və iqtisadi qiymətləndirilməsi qaydalarının təkmilləşdirilməsi ilə dövlət torpaq kadastrı məlumatlarının müasir qeydiyyatı sisteminin yaradılması sahəsində Azərbaycan Respublikasının Dövlət Torpaq və Xəritəçəkmə Komitəsinə dəstək" adlı "Tvinninq" layihəsi davam etdirilir.

İcra müddəti 18 aya nəzərdə tutulmuş layihənin ümumi məqsədi dövlət torpaq kadastrı məlumatlarının Avropa İttifaqının Qiymətləndirmə Standartlarına uyğun olaraq dəqiq sistemləşdirilməsi, şəffaf torpaq bazarının yaradılması və dövlət torpaq kadastrı sisteminin digər dövlət orqanlarının informasiya sistemlərinə inteqrasiyasını təmin etməkdən ibarətdir.

"ICTnews" elektron xəbər xidmətinə Dövlət Torpaq və Xəritəçəkmə Komitəsindən (DTXK) verilən məlumata görə, layihə çərçivəsində martın ikinci ongünlüyündə DTXK sədri Qərib Məmmədovun rəhbərlik etdiyi nümayəndə heyəti İsveçdə səfərdə olublar.

Səfər zamanı ölkəmizdə aparılan işlərlə bağlı ətraflı müzakirələr aparılıb. Qeyd edək ki, "Tvinninq" layihəsi çərçivəsində əsasən üç komponent üzrə işlərin həyata keçirilməsi nəzərdə tutulur.

Birinci komponent üzrə institusional və institutlararası analiz və hüquqi sistemin təhlili daxil olmaqla müvafiq strukturların gücləndirilməsi, ikinci komponent üzrə torpağın qiymətləndirilməsi metodologiyası və dövlət torpaq kadastr sisteminə inteqrasiyası, üçüncü komponent üzrə dövlət torpaq kadastrı məlumatlarının qeydiyyatı və kənd/şəhər dövlət torpaq kadastrı məlumat sisteminin qurulması planlaşdırılır.

"Tvinninq" layihəsi Avropa İttifaqına üzv olan İsveç və Latviya tərəfindən həyata keçirilir. Layihəni İsveçin Landmateriet və Latviyanın isə Latviya Dövlət Torpaq Xidməti yerinə yetirir.

HƏQİQƏT



Baxış sayı: 492

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






07 İyun 2020

06 06 2020

06/06/20
“Facebook”da bütün mediakontentin “Google Photo” xidmətinə daşınması imkanı əlçatan olub

“Facebook” sosial şəbəkəsində foto və videoların “Google Photo” “bulud” xidmətinə köçürülməs

06/06/20
Sinqapurda koronavirusa yoluxmaların izlənilməsi üçün sakinlərə çip paylamaq istəyirlər

Sinqapurda koronavirusa yoluxmaların izlənilməsi üçün sakinlərə çip paylamaq 

06/06/20
“Motorola” iki yeni ucuz smartfonunu təqdim edib

“Motorola” şirkəti başlanğıc səviyyəli iki yeni smartfonunu təqdim edib