12px13px15px17px
Tarix:04/04/13

Taksi,evakuator,otel sifariş etmək lazımdır?

"119"-a zəng edin!

Yeni fəaliyyətə başlayan məlumat xidməti mərkəzində, bir çox dövlət və özəl şirkətlər, təşkilatlar, həmçinin bəzi hallarda fiziki şəxslər haqqında məlumatlar əldə etmək mümkündür. Bunun üçün 119 nömrəsinə zəng vurmaq kifayətdir.

Mərkəz eyni zamanda geniş servis və xidmətlər təqdim edir. Şirkətin mətbuat xidmətindən "ICTnews" xəbər xidmətinə verilən məlumata görə, böyük sərmayə tələb edən müasir texnologiyalar, proqram təminatı və avadanlıqlar müştəriləri tələb olunan məlumatla tez bir zamanda və keyfiyyətlə təmin etməyə imkan verir. Şirkətin əsas məqsədi, müştərilərə müxtəlif xidmətlər göstərmək və dəqiq məlumatlarla təmin etməkdir. Mərkəzin xidmətlərindən aşağıdakıları sadalamaq olar - avtoxidmətlər: taksi sifarişi, ayıq sürücü xidməti, evakuator və s.

Bundan əlavə müştərilər bilet və otel sifarişi kimi turistik xidmətlər, hüquqi maarifləndirmə xidməti, restoranda masa və yemək sifarişi, müxtəlif daşımalar, kuryer, mağazadan alış-veriş, güllərin çatdırılması və sair xidmətlərdən də yararlana bilərlər. "119" məlumat və xidmət mərkəzi Azərbaycan bazarında əksəriyyəti ilk dəfə təqdim olunan innovasiya xidmətləri təklif edir.

Mərkəzin xidmətlərindən istifadə etmək üçün həm mobil operatorlardan, həm də Bakı və Abşeron yarımadasından şəhər telefonlarından 119 nömrəsinə, regionlardan isə 012 119 nömrəsinə zəng vurmaq kifayətdir. Daxil olan zənglərin qiyməti 0.47 AZN təşkil edir.

SEYMUR



Baxış sayı: 935

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024