XƏBƏRLƏR

Tarix:20/04/13

“Dünya mədəniyyəti kontekstində orta əsr əlyazmalarının rəqəmsal kataloqlarının yaradılması” mövzusunda konfrans keçiriləcək

22-26 aprel 2013-cü il tarixlərdə Özbəkistanın Daşkənd şəhərində "Dünya mədəniyyəti kontekstində orta əsr əlyazmalarının rəqəmsal kataloqlarının yaradılması" mövzusunda konfrans keçiriləcək.

"Mərkəzi - Asiya 2013" ("Central Asia – 2013") adlanan konfransda AMEA M.Fizuli adına Əlyazmalar İnstitutunun böyük elmi işçisi, şərqşünas alim, ilahiyyat üzrə fəlsəfə doktoru Səbinə Nemətzadə və Bakı Dövlət Universitetinin fəlsəfə tarixi və mədəniyyətşünaslıq kafedrasının müəllimi, fəlsəfə üzrə fəlsəfə doktoru Səbirə Nemətzadə çıxış edəcəklər.

AMEA-dan verilən məlumata görə, konfrans elektron informasiya resurslarının elmdə, təhsildə, mədəniyyətdə və biznesdə tətbiqi işində təsirli və səmərəli əməkdaşlıq üçün informasiya-kitabxana müəssisələri, təhsil müəssisələri, arxivlər, muzeylər və digər təşkilatların fəaliyyətinin artırılması məqsədini daşıyır.

Qeyd edək ki, "Mərkəzi - Asiya 2013"-ün əsas təşkilatçısı Özbəkistanın Milli kitabxanasıdır.

HƏQİQƏT

Baxış sayı: 1406