XƏBƏRLƏR

Tarix:22/04/13

“Rabitə Bakı” final oyununa qalib kimi çıxacaq

İki turdan sonra Azərbaycanın qadın voleybolu üzrə cempionatı başa çatacaq. Ölkənin ən güclülərindən olan "Rabitə Bakı" voleybol komandasını da iki oyun keçirəcək. "ICTnews" elektron xəbər xidmətinin məlumatına görə, onlardan birincisi bu ayın 23-də "Lokomotiv Biləcəri" komandası ilə baş tutacaq. Ayın 26-da isə çempionatın son oyunu reallaşacaq.

Bu zaman "Rabitə Bakı" "Azərreyl"lə üz-üzə gələcək. Bu oyunun nəticəsindən də asılı olmayaraq rabitəçi xanımlar çempion elan ediləcək. Lakin klub çempionluğunu yeni bir qələbə ilə qarşılamaq fikrindədir. Ona görə sonuncu oyunda da qalib gəlmək üçün mücadilə aparacaq. Qeyd edək ki, "Rabitə Bakı" voleybol komandası ardıcıl 6-cı dəfə Azərbaycan çempionu olub. Çempionatın bitməsinə 3 tur qalmış "Rabitə Bakı" çempionluğunu əvvəlcədən rəsmiləşdirib.

Rabitəçi xanımlar buna "İqtisadçı" ilə oyunda nail olublar. İtaliyalı baş məşqçi Marçello Abbondanzanın rəhbərliyi altında bir-birinin ardınca qələbələr qazanan "Rabitə Bakı" ən yaxın izləyicisi olan "Azərreyl"i 11 xal fərqi ilə üstələdikdən sonra növbəti oyunların hansı nəticə verməsinin əhəmiyyəti qalmayıb. Rabitəçilər əvvəlcədən də çempionatın 4 favorit komandasından biri hesab olunub.

Məlumat üçün bildirək ki, Azərbaycanda çempionat 6 dəfə keçirilib və hər birində də "Rabitə Bakı" qalib olub. Son çempionatda 7 komanda iştirak edib və onların hamısının heyətində dünyanın güclü voleybolçu xanımları təmsil olunub. Onu da qeyd edək ki, rabitəçilər bu mövsüm həmçinin klublararası dünya çempionatının və Çempionlar Liqasının finalçısı olub.

SEYMUR

Baxış sayı: 1389