XƏBƏRLƏR

Tarix:29/05/13

“118” Məlumat-sorğu xidməti iş axtaranların işini asanlaşdırıb

“118” Məlumat-sorğu xidməti yeni “İşlə təminetmə” xidmətini istifadəçilərinin ixtiyarına verib. “ICTnews” elektron xəbər xidmətinin adıçəkilən xidmətə istinadən verdiyi məlumata görə, aktiv iş axtarışında olan istifadəçilər indi sadəcə “118”-lə əlaqə yaratmaqla axtardıqları iş sahəsi barəsində məlumat verərək tələb olunan iş sahəsi üzrə test imtahanı vermək üçün xidmətin partnyoruna yönləndiriləcək.

Yeni xidmətdən korporativ müştərilər də yararlana bilər. Belə ki, istənilən bir şirkət “İşlə təminetmə” xidmətindən istifadə edərək mövcud iş vakansiyaları barəsində məlumat verə və bu minvalla partnyor şirkətin testlərindən uğurla keçən namizədləri işlə təmin etmək imkanına sahib ola bilər.

Xatırladaq ki, “118” Məlumat-sorğu xidməti istifadəçilər üçün məlumatları daha asan, istənilən vaxt, istənilən yerdən əldə olunmasına yardım edən bir vasitədir.

Hal-hazırda Azərbaycanda ən geniş məlumat bazalarından birinə malik olan “118” xidmətinə məlumat-sorğu funksiyasından başqa turizm, yolda təmir, gül çatdırılması, pizza sifarişi, xatırlatma xidməti, evakuator, ayıq sürücü və s. xidmətlər də daxildir.

CAHANGİR

Baxış sayı: 959