PROQRAM TƏMİNATI

Tarix:02/07/13

Kosmosda ödəniş etmək mümkün olacaq

"PayPal" ödəniş sistemi "Galactic" adlı proqramın tətbiq edilməsinə başlayır. Qeyd edək ki, bu proqram kosmos məkanında ödəniş etmə imkanlarını araşdırmaq üçün nəzərdə tutulub. Şirkət Yer kürəsindən kənarda məskunlaşanların ödənişlə bağlı tələbatlarını ödəməyə kömək etmək niyyətindədir. Güman edilir ki, bu, ilk növbədə astronavtlar üçün lazımlı olacaq: məsələn, onlar orbitdə ola-ola Yer kürəsi ilə bağlı xərclərini ödəyə biləcək.

Bundan başqa, "PayPal" planetlərarası səyahətləri araşdırmaqla məşğul olan bir sıra şirkət və elmi-tədqiqat təşkilatları ilə də əməkdaşlıq edir. Bu sahədə lider olmağı planlaşdıran "SpaceX" və "Virgin" şirkətləri ilə birgə ödəniş sistemi ilə bağlı mövcud suallar nəzərdən keçirilir. Bu suallara qalaktikalararası valyutanın necə olacağı, bankların bu ödəmə sistemi ilə işə necə uyğunlaşacağı və müştərilərə dəstək xidmətlərində hansı dəyişikliklərin tələb olunacağı daxildir.

"PayPal"ın Yer kürəsindəki xidmətlərinə gəldikdə isə, hazırda şirkət fikrini mobil ödəmə sistemlərinin inkişafına yönəldib. Onun "Here" adlı ixtirası artıq ABŞ və Yaponiyada mövcuddur və bu yayda Avropa bazarlarına çıxarılacaq.

Baxış sayı: 705