Tarix:10/07/13

FAKT: Müasir zərərli proqram təminatının 33%-i uşaqlar tərəfindən yaradılıb

Antivirus məhsullarının yaradılması ilə məşğul olan “AVG” şirkətinin tədqiqatçıları bildiriblər ki, hazırda mövcud olan zərərli proqram təminatının təxminən 33%-i 11 yaşınadək uşaqlar tərəfindən yaradılıb.

“ICTnews.az” elektron xəbər xidməti “securitylab.ru” saytına istinadən bildirir ki, ekspertlərin sözlərinə görə, uşaqlar onlayn oyunlar zamanı problemlərlə üzləşdikdən sonra kod yazmaqla maraqlanmağa başlayırlar.
"Uşaqlar zərərli proqram təminatını həmyaşıdlarının qarşısında öyünmək və öz haker qabiliyyətlərini nümayiş etdirmək üçün yaratmağa başlayırlar. Məsələn, onlar loqinləri ələ keçirə bilərlər. İlk baxışda  təhlükəli heç nə yoxdur, bununla belə, oyun hesabları ilə kredit kartlarının məlumatları çox vaxt bir-biri ilə əlaqəlidir" – “AVG” şirkətinin ekspertləri deyiblər.

Emil Hüseynov

Baxış sayı: 711

© İstifadə edilərkən İctnews-a istinad olunmalıdır