XƏBƏRLƏR

Tarix:16/08/13

“Alo” sözünün müəllifi kimdir?

1876-cı ildə amerikalı alim Aleksandr Bell Filadelfiyada təşkil olunmuş ümumdünya sərgisində "görülən nitq" şüarı ilə "telefon" (yunanca tele-uzaq; fon-səs) adlı yeni aparatı ilk dəfə ictimaiyyətə təqdim etdi.

"ICTnews.az" elektron xəbər xidməti "ict.az" saytına istinadən bildirir ki, ilk telefon aparatı ciddi səs qüsurları ilə və yalnız 250 metr məsafədə işləməsinə baxmayaraq cəmiyyətdə böyük uğur qazandı.

Tezliklə, telefon istifadəçilərinin bir-birlərinə necə müraciət etmələrilə bağlı mübahisələr meydana çıxdı. Öncə, Aleksandr Bell "ahoy" ("hey") sözünü təklif etdi. İngilisdilli dənizçilər gəmilərlə görüş zamanı bu müraciətdən istifadə edirdilər. Lakin Bellin məşhur məsləkdaşı, telefon aparatının təkmilləşdirilməsində böyük rolu olan Tomas Edison tezliklə alternativ variantı irəli sürdü.

O, 1877-ci il avqustun 15-də Pitsburq teleqraf şirkətinin prezidentiylə telefondan istifadənin perspektivləri haqqında müzakirə zamanı, "hello" ("salam") sözünü təklif etdi. Rusiyada isə bu, tezliklə "allo" ilə əvəz olundu.
Beləliklə, ilk şəhərlərarası telefon söhbəti 1879-cu ildə Sankt-Peterburq – Kiçik Vişera xəttində həyata keçirildi.

Emil Hüseynov

Baxış sayı: 781