XƏBƏRLƏR

Tarix:21/08/13

ABŞ-da “Al-Jazeera America” telekanalı yayıma başlayıb

Avqustun 20-də ABŞ-da Qətərin “Əl-Cəzirə” televiziya kanalının yerli redaksiyası “Al-Jazeera America” işə başlayıb.

Yeni telekanal ABŞ-ın keçmiş prezidenti Albert Qor tərəfindən təsis edilən və əvvəllər “Current TV” kanalına məxsus tezliklərdə yayımlanır. “Al-Jazeera America”nın daxil olduğu kabel şəbəkəsinə ABŞ-ın 45 milyon ev təsərrüfatı çıxış imkanına malikdir.

“Al-Jazeera America” sutka ərzində yayımlanacaq və telekanalda xəbər buraxılışları ilə yanaşı, analitik-informasiya, iqtisadi və sənədli verilişlər translyasiya ediləcək. İlkin mərhələdə telekanalda digər əksər kanallarda hər saatda 15 dəqiqə yayımlanan reklam əvəzinə, cəmisi 6 dəqiqə reklam veriləcək.
Qətər telekanalının ştat vahidi hazırda 850 əməkdaşdan ibarətdir və ABŞ ərazisində kanalın 12 şöbəsi olmaqla mənzil-qərargahı Nyu-Yorkda yerləşir.

Qeyd edək ki, “Əl-Cəzirə” televiziya şirkəti 1996-cı ildə Qətərdə yaradılıb, - “Lenta www.lenta.ru” yazır.

Baxış sayı: 751