PROQRAM TƏMİNATI

Tarix:21/08/13

“Apple” “3D” obyektlərini əl hərəkətləri ilə idarə edəcək

"Apple" şirkəti ekranda "3D" obyektlərinin əl hərəkətləri ilə idarə olunması üsulunu təsvir edən "Working with 3D objects" patentini rəsmiləşdirib.

8 232 990 nömrəli patent hüququ "2D" və "3D" formatlı obyektlərin əl hərəkətləri ilə idarə olunması üsulunu təsvir edir. Nümunə kimi qurğu qarşısında barmaqla manipulyasiya etməklə ekranda ən adi təsvirlərin həcmli təsvirlərə çevrilməsi üsulu göstərilir.

Görüntünü "2D" formatından "3D" formatına çevirmək üçün təsvirə eyni vaxtda üç barmaqla toxunmaq və onu yuxarı tərəfə çəkmək kifayət edir. Sonra əldə olunan "3D" obyektini ekran qarşısında əl hərəkətləri ilə idarə etmək, yerini dəyişdirmək, kiçiltmək və ya genəltmək mümkündür.

Patentdə qeyd olunduğuna görə, bu üsuldan avtomatlaşdırılmış layihələndirmə sistemlərində (CAD) istifadə edərək istənilən mürəkkəb obyektlərin modellərini yaratmağa imkan verən müvafiq alətlər paneli ilə tamamlamaq lazımdır.

"3D" formatlı obyektlərin əks etdirilmə üsulu istənilən mövcud texnologiyada, o cümlədən həm stereoskopik ekranda, həm də polyarlaşdırılmış "3D" eynəklərin istifadəsini tələb edən ekranda yaradıla bilər, - "Digit www.digit.ru" yazır.

Baxış sayı: 805