XƏBƏRLƏR

Tarix:18/09/13

Azərbaycanda yeni kabel televiziyası yaradılıb

“Azad Azərbaycan” Müstəqil Teleradio kompaniyasının nəzdində "ATVPLUS" adlı efir-kabel televiziyası fəaliyyətə başlayıb.

Şirkətdən “ICTnews” xəbər xidmətinə verilən məlumata əsasən, yayım, Rabitə və İnformasiya Texnologiyaları Nazirliyinin Teleradio İstehsalat Birliyinin “Teleqüllə” müəssisəsindən aparılır. Bakı , Sumqayıt və Abşeron yarımadasının ərazisində yaşayan sakinlər bu xidmətə qoşula bilərlər.

Yayımın standartı DVB-T, yayım siqnalının formatı MPEG4 olan "ATVPLUS" efir-kabel televiziyasının təklif etdiyi rəqəmsal 96 telekanalı seyr etmək üçün abunəçi, əgər analoq televizor sahibidirsə, resiver və smart kart, rəqəmsal televizor sahibidirsə, Cİ modul və smart kart əldə etməlidir.

"ATVPLUS" efir-kabel televiziyasına qoşulmaq üçün lazım olan CAM modul və ya resiverləri bu posterlərin asıldığı bütün satış məntəqələrindən əldə etmək olar. Ətraflı məlumat almaq üçün 996 nömrəsinə və ya www.atvplus.az saytına müraciət etmək olar.

Aynur Vəliyeva

Baxış sayı: 2740