PROQRAM TƏMİNATI

Tarix:29/10/13

İlk “Windows” əməliyyat sisteminin brauzer emulyatoru təqdim edilib

ABŞ proqramçısı Ceff Par "Windows 1.01" əməliyyat sisteminin (ƏS) brauzer emulyatorunu təqdim edib.
"ICTnews" elektron xəbər xidməti "lenta.ru" saytına istinadən bildirir ki, emulyator "JavaScript" dilində yazılıb. Proqramı "maus" və klaviaturanın köməyi ilə idarə etmək olar.

Emulyator pəncərəsinin alt hissəsində "Ctrl+Alt+Del", "Esc", "F10" və başqa düymələr yerləşib. Emulyator, həmçinin istifadəçiyə A və B diskdaxiledicilərinə disketlər "daxil etməyə" icazə verir.
"Windows 1.01" ƏS-i 1985-ci ilin noyabrında işıq üzü görüb və "MS-DOS" üzərindən işləyib, hərçənd ki videokart, "maus", klaviatura və başqa qurğular üçün öz drayverlərinə malik olub. 1987-ci ildə "Windows 2.0" əməliyyat sistemi çıxarılıb.

Emil Hüseynov

Baxış sayı: 932