XƏBƏRLƏR

Tarix:21/12/13

Boliviya ilk peykini buraxıb

Boliviya dekabrın 21-nə keçən gecə ilk peykini orbitə çıxarıb.
Peyk buraxılması Çinin cənub-qərbində yerləşən Ksiçan Kosmik Mərkəzindən həyata keçirilib. Çinin “Long March-3B” raketdaşıyıcısının orbitə çıxardığı peykin buraxılış mərasimində Boliviya prezidenti Evo Morales iştirak edib.

Telekommunikasiya peyki XVI əsrdə İspaniya müstəmləkəçilərinə qarşı üsyana başçılıq edən hindi tayfalarının rəhbəri Tupak Katarinin şərəfinə adlandırılıb. Peyk Boliviya ərazisində istifadəçilərə peyk rabitəsi, peyk televiziya yayımı və internetə çıxış xidmətlərini təqdim edəcək.

Peykin 2014-cü ilin martında istismara verilməsi planlaşdırılır. Ekspertlərin qiymətləndirmələrinə görə, peykin buraxılması ölkəyə ildə 25 milyon dollara qənaət etməyə imkan verəcək. Peykin yaradılmasına ümumilikdə 300 milyon dollar vəsait xərclənib ki, bunun da 250 milyonu Çin tərəfindən kredit şərtləri əsasında verilib. Bundan başqa, peykin hazırlanması ilə Çin mütəxəssisləri də məşğul olub, - "Lenta www.lenta.ru” yazır.

Baxış sayı: 787