MARAQLI

Tarix:25/12/13

“Facebook” rəhbəri 2013-cü ilin ən uğurlu milyarderləri siyahısında yer alıb

"Facebook" sosial şəbəkəsinin baş direktoru Mark Sukerberq, "Amazon.com" şirkətinin rəhbəri Ceff Bezos, "Google" həmtəsisçisi Larri Peyc və "Microsoft" korporasiyasının yaradıcısı Bill Qeyts "Forbes" jurnalının versiyasına görə, 2013-cü ilin ən uğurlu milyarderləri siyahısına daxil olub.

İlin sonunda "Forbes" ənənəvi olaraq qlobal milyarderlər reytinqinin iştirakçılarından kimin hamıdan çox var-dövlətini artırdığını hesablayır. Reytinqdə var-dövlətin artımı 31 dekabr 2012-ci ildən 20 dekabr 2013-cü il tarixinədək hesablanır.

Siyahıya kapitalı 15 milyard dollar artaraq 37,2 milyard dollara çatan "Las Vegas Sands" oyun korporasiyasının əsas səhmdarı və baş direktoru Şeldon Adelson başçılıq edir. Ondan sonra var-dövlətini 26 milyard dollar artıran M.Sukerberq yer alıb. Liderlər üçlüyünə C.Bezos (+13,3 milyard dollar, ümumi var-dövləti 36,9 milyard dollar) da daxildir.

Bundan başqa, ahıl yaşına baxmayaraq ilin yekunları üzrə var-dövləti 60 milyard dollar qiymətləndirilərək 12,1 milyard dollar artan Uorren Baffet investisiya fəallığını saxlayır. 5-8-ci yerləri "Wal-Mart" dünya pərakəndə satış şəbəkəsinin həmtəsisçisi Sem Uoltonun ailəsinə daxil olan milyarderlər tutub.

Belə ki, S.Uoltonun gəlini Kristi il ərzində 10,7 milyard dollar, böyük oğlu Sem Robson Uolton və qızı Elis hərəsi 10,1 milyard dollar, kiçik oğlu Cim 10 milyard dollar qazanıb. L.Peyc il ərzində 9,4 milyard dollar qazanaraq 9-cu yeri tutub. Bununla belə onun var-dövləti (30,5 milyard dollar) reytinqin sonunda yer alan B.Qeytsdən (74,1 milyard dollar) iki dəfə azdır, - "Digit www.digit.ru" yazır.

Baxış sayı: 569