PROQRAM TƏMİNATI

Tarix:23/01/14

Ev heyvanları üçün “ağıllı” yemək qabına yarım milyon dollardan çox sərmayə

"Mail.ru Group"un investisiya şirkətinin baş direktoru ev heyvanlarının məsafədən və düzgün yedizdirilməsi üçün robotun yaradılmasına yarım milyon dollardan çox vəsait qoyub.

"ICTnews" xəbər xidmətinin www.therunet.com saytına istinadən verdiyi məlumata əsasən, "Grishin Robotics" şirkəti ev heyvanları üçün "PetNet" robotunun yaradılmasına 1,125 milyon dollar sərmayə yatırıb. Bu vəsait işçi heyətin genişləndirilməsinə və yeni "SmartFeeder" məhsulunun hazırlanmasına və yeni qurğuların yaradılmasına yönəldiləcək.

"Smart Feeder" – ev heyvanını məsafədən yedirtmək üçün nəzərdə tutulmuş qurğudur. O, eyni zamanda ev heyvanının yeməyinə nəzarət edir, onun yaşından və növündən asılı olaraq rasionunu müəyyən edir. Gələcəkdə robot ev heyvanı haqda məlumatları analiz edəcək və alqoritmləri düzəldəcək.

Heyvanın sahibi yemək statistikasına baxaraq onu digər "PetNet" istifadəçilərinin göstəriciləri ilə müqayisə edə biləcək. Qurğu sahibinə yeməyiın bitməsi haqda məlumat göndərəcək və o birbaşa servisin interfeysindən sifarişı edə biləcək.

Məhsul xüsusi dözümlü materialdan düzəldilib və artıq onu dünya üzrə 10 min nəfər sifariş ediblər. Satışların bu ilin ortalarında başlanacağı gözlənilir. Hazırda qurğunu endirimlə 199 dollara almaq olar, gəıləcəkdə isə onun qiyməti 249 dollar olacaq. Sərmayədarlar bildiriblər ki, ev heyvanlarına qulluq üzrə dünya bazarının həcmi 100 milyard dollara yaxın təşkil edir.

Aynur Vəliyeva

Baxış sayı: 881