Tarix:05/02/14

Şirkətlərin 33%-i “Windows XP” əməliyyat sistemini seçir

“Microsoft” korporasiyasının iki aydan sonra “Windows XP” əməliyyat sisteminin dəstəklənməsini dayandırmasına baxmayaraq, bir çox şirkətlər indiyədək bu əməliyyat sistemindən imtina etmək niyyətində deyil. Korporativ sektoru təmsil edən təxminən 650 istifadəçi arasında sorğu keçirmiş “Tech Pro Research ekspertləri belə nəticəyə gəliblər.

“ICTnews” elektron xəbər xidməti “dailycomm.ru” saytına istinadən bildirir ki, araşdırmaya əsasən, rəyi soruşulanların 37%-i iş yerində Microsoft “Windows XP” platforması üçün təhlükəsizlik yeniləmələrinin buraxılışını dayandırdıqdan sonra belə adı çəkilən sistemdən istifadə edəcəklər. Respondentlərin 37%-i “Windows 7” sisteminə, 5%-i isə “Windows 8” platformasına keçmək niyyətində olduğunu bildiriblər. Yalnız 1% “Mac OS X” platformasını seçib.

Rəyi soruşulmuşların 40%-nin fikrincə, onlar üçün yeni ƏS-dən istifadəyə ehtiyac yoxdur. Respondentlərin təxminən 39%-i deyib ki, əməliyyat sistemini dəyişdirmək istəmirlər, çünki yalnız “Windows XP” lazımi proqram təminatını dəstəkləyir. 21% üçün isə proqram yeniləməsi lazımsız xərcdir.

Emil Hüseynov

Baxış sayı: 699

© İstifadə edilərkən İctnews-a istinad olunmalıdır