XƏBƏRLƏR

Tarix:26/02/14

ƏƏSMN-də “İnformasiya azadlığı ilə bağlı daxili icraat qaydaları” təsdiq edilib

"Açıq Hökumətin təşviqinə dair 2012-2015-ci illər üçün Milli Fəaliyyət Planı" ilə müəyyənləşdirilmiş vəzifələrin icrasını təmin etmək məqsədilə Azərbaycan Respublikası Əmək və Əhalinin Sosial Müdafiəsi Nazirliyində (ƏƏSMN) "İnformasiya azadlığı ilə bağlı daxili icraat qaydaları" təsdiq edilib.

Nazirlikdən bildirilib ki, ƏƏSMN üzrə müvafiq əmrlə təsdiq edilmiş qaydalarda sorğu ilə müraciət etmiş şəxsin məlumatları əldə etmək hüquqları, informasiya əldə etmənin formaları, sorğuların qeydə alınması, icra olunma üsulları və müddəti informasiya sahibi kimi nazirliyin vəzifələri sırasında yer alıb.

Qaydalar nazirliyin "www.mlspp.gov.az" saytında yerləşdirilib.

Bundan başqa, əmrə əsasən "Açıq Hökumətin təşviqinə dair 2012-2015-ci illər üçün Milli Fəaliyyət Planı"nın 1.1-ci bəndinə uyğun olaraq Əmək və Əhalinin Sosial Müdafiəsi Nazirliyinin informasiya azadlığı üzrə məsul şəxsi müəyyən olunub.

Nazirliyin Aparatının İctimaiyyətlə əlaqələr şöbəsinin müdiri Elman Babayev nazirliyin informasiya azadlığı üzrə məsul şəxsi müəyyən edilib.

Həqiqət İSABALAYEVA

Baxış sayı: 931