XƏBƏRLƏR

Tarix:27/02/14

Strateji Araşdırmalar Mərkəzinin saytının fəaliyyətində fasilə yaranıb

Azərbaycan Respublikasının Prezidenti yanında Strateji Araşdırmalar Mərkəzinin rəsmi internet resursunun (www.sam.gov.az) fəaliyyəti müvəqqəti olaraq dayandırılıb.

"ICTnews" elektron xəbər xidmətinin məlumatına görə, saytın fəaliyyətində yaranan fasilə texniki işlərin aparılması ilə əlaqədardır.

Qeyd edək ki, Strateji Araşdırmalar Mərkəzi dövlət elmi tədqiqat təşkilatıdır. Mərkəzin əsas məqsədi ölkənin inkişafının müxtəlif istiqamətləri, o cümlədən geosiyasət, təhlükəsizlik, dövlət quruculuğu, regionların inkişafı, mövcud problemlərin həlli və digər mühüm sahələr üzrə elmi araşdırmaların nəticələri və proqnoz-analitik xarakterli məlumatlar ilə Azərbaycanın ali dövlət hakimiyyəti orqanlarının təmin edilməsindən ibarətdir.

CAHANGİR

Baxış sayı: 868