XƏBƏRLƏR

Tarix:14/03/14

Azərbaycanda seysmologiya sistemlərinə həsr olunmuş beynəlxalq konfrans keçiriləcək

Bakıda mayın 29-31-də “Mühəndisli Seysmologiya və ANTELOPE Sistemin İstifadəçiləri Qrupu” konfransı keçiriləcək.

Azərbaycan Seysmologiya Mərkəzindən “ICTnews” xəbər xidmətinə verilən məlumata əsasən, konfrans Azərbaycan Fövqəladə Hallar Nazirliyi, Azərbaycan Milli Elmlər Akademiyası Yer Elmləri Bölməsi, Azərbaycan Milli Elmlər Akademiyası nəzdində Seysmoloji Xidmət Mərkəzi, ANTELOPE Sistemi İstifadəçiləri Qrupunun (AUG) təşkilatçılığı ilə keçiriləcək.

Tədbir çərçivəsində geofiziki nəticələr, zəlzələ proqnozu və seysmik davamlı tikililər haqda plenar çıxışlar dinlənəcək, “Seysmologiya və tektonik aktivlik”, “Seysmik şəbəkə: məlumatların emal və analizi”, “Seysmik təhlükə, təhdid və azaldılması”, “Tikinti və mühəndis seysmologiyası” mövzularında məruzələr təqdim ediləcək.

Aynur Vəliyeva

Baxış sayı: 818