12px13px15px17px
Tarix:10/04/14

İstedadlı şagirdlərin LOQO proqramlaşdırma dili üzrə olimpiadaya hazırlığına başlanılıb

Bakı şəhəri 117 saylı tam orta məktəbdə istedadlı şagirdlərin LOQO proqramlaşdırma dili üzrə olimpiadaya hazırlığına başlanılıb. AMEA Kibernetika İnstitutu tərəfindən həyata keçirilən bu işlər çərçivəsində olimpiada hazırlığı üçün məktəbdə dərnək açılıb. Həmçinin bu məktəbdə yeni tədris ilindən “Kompüter elmləri” təmayüllü sinfin yaradılması istiqamətində də işlər aparılır.
 
Azərbaycan Milli Elmlər Akademiyasından bildirilib ki, ümumilikdə AMEA Fizika-Riyaziyyat və Texnika Elmləri Bölməsi (FRTEB) institutları tərəfindən regionlarda elmin populyarlığının artırılması, ümumtəhsil məktəbləri, liseylər və ali təhsil ocaqları ixtisaslaşmış olimpiadaların keçirilməsi sahəsində bir sıra işlər görülüb.
 
Belə ki, AMEA Riyaziyyat və Mexanika İnstitutunda olimpiadaların keçirilməsi üçün mütəxəssislərdən ibarət təşkilat komissiyası yaradılıb. Bakı və Sumqayıt şəhərlərinin bir neçə məktəbində riyaziyyat olimpiadalarının təşkili ilə bağlı Şəhər Təhsil idarələri ilə danışıqlar aparılıb və razılıq əldə edilib. İsmayıllı rayonunun 2 orta məktəbində riyaziyyat olimpiadalarının təşkili ilə bağlı rayon icra hakimiyyətinin başçısı ilə razılıq əldə olunub. AMEA Fizika İnstitutunun Gənc Alim və Mütəxəssislər Şurası isə Şamaxıda keçirilmiş “Əyləncəli elm” adlı tədbirin təşkilatçısı olub. Tədbir AMEA Şamaxı Astrofizika Rəsədxanasında Şamaxının orta məktəblərinin fizika və kimya ilə maraqlanan şagirdlərinin iştirakı ilə keçirilib. Fizika sahəsinə aid maraqlı təcrübələr institut gənclərinin hazırladıqları əyani vəsaitlərlə nümayiş etdirilib. Tədbir silsilə xarakter daşıdığına görə digər bölgələrə də səfərlər planlaşdırılır.
 
AMEA Fizika İnstitutunun təşkilatçılığı ilə fizika, riyaziyyat və informatika təmayüllü liseydə X siniflər arasında sınaq olimpiadası keçirilib. Məktəblilər arasında elmə maraq yaratmaq məqsədi ilə təşkil olunmuş olimpiadanın sualları institutun əməkdaşları tərəfindən hazırlanıb. Yüksək nəticə göstərmiş 9 şagird 19 aprel 2014-cü ildə keçiriləcək olimpiadada iştirak edəcək.
 
Həqiqət İSABALAYEVA



Baxış sayı: 506

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






21 Aprel 2019

20 04 2019

20/04/19
"Azərpoçt"MMC problemli kredit sahiblərinə 2 formada kompensasiya verəcək

Aprel ayının 22-dən etibarən problemli kreditinə 500 manatdan aşağı kompensasiya düşən vətəndaşlar 

20/04/19
Ən köhnə messencerlərdən birinin fəaliyyəti dayandırılır

Tezliklə mesajlarla mübadilə üçün ən köhnə xidmətlərdən biri olan “BlackBerry Messenger”in fəaliyyəti dayandırı

20/04/19
Bill Qeytsin sərvəti 100 milyard dolları ötüb

Bill Qeytsin varidatı 20 ildə ilk dəfə 100 milyard dolları ötüb

20/04/19
“Instagram”da layklar ləğv edilə bilər

“Instagram” xidməti paylaşımların altındakı “layk”ların sayını gizlədə bilər