XƏBƏRLƏR

Tarix:23/08/14

Tokioda kosmik obyekti xatırladan stadion inşa ediləcək

“Zaha Hadid Architects” şirkətinin layihəsi əsasında Tokio şəhərində Yaponiyanın yeni milli stadionunun inşası nəzərdə tutulur.

Yaponiyanın tanınmış memarlarından Tadao Ando və ölkənin idman sahəsinin mütəxəssisləri belə qənaətə gəliblər ki, məhz bu şirkətin layihələşdirdiyi stadion paytaxta layiqdir. Kosmik obyekti xatırladan stadion 80 min tamaşaçıya hesablanıb və kütləvi idman tədbirlərinin keçirilməsi üçün nəzərdə tutulub. Burada həmçinin qaçış və stolüstü tennis meydançaları fəaliyyət göstərəcək.

Stadionun tikintisinin 2018-ci ildə başa çatdırılması planlaşdırılır. 2019-cu ildə isə stadionda reqbi üzrə dünya çempionatı təşkil olunacaq. Eyni zamanda möhtəşəm idman obyekti FİFA tərəfindən futbol üzrə dünya çempionatının keçirilməsi üçün tövsiyə olunacaq, - “AD” www.admagazine.ru yazır.

Baxış sayı: 813