12px13px15px17px
Tarix:13/10/14

Elmi tədqiqat texnologiyalarının araşdırmalarda tətbiqi genişləndirilir

Rusiyanın Vladiqafqaz şəhərində keçirilən “Qafqazda geodinamika, vulkanizm, seysmiklik və təbii və texnogen xarakterli ekzogen geoloji proseslər” adlı konfrans başa çatıb.

Rusiya Elmlər Akademiyasının Yer Elmləri Bölməsi (REA YEB), Vladiqafqaz Elmi Mərkəzi, Vladiqafqaz Geofiziki tədqiqatlar Mərkəzi və Şimali Qafqaz Dağ-Metallurgiya İnstitutunun təşkilatçılığı ilə keçirilmiş tədbirdə Azərbaycan Milli Elmlər Akademiyasının (AMEA) Geologiya və Geofizika İnstitutunun (GGİ) aparıcı elmi işçiləri - geologiya-minerologiya üzrə fəlsəfə doktoru Samir Məmmədov və Rafiq Səfərov iştirak ediblər.
 
İnstitutun İctimaiyyətlə əlaqələr şöbəsindən bildirilib ki, S.Məmmədov “15 illik GPS məlumatları əsasında Azərbaycan ərazisində Yer qabığının deformasiyaları”, Rafiq Səfərov isə “Azərbaycan ərazisində müasir geodinamik şəraitin və zəlzələ təhlükəsinin GPS (qlobal yertəyinetmə sistemi) məlumatları əsasında tədqiqi” mövzusunda məruzələrlə çıxış ediblər.
 
Onlar AMEA-da  geodinamika və seysmologiya sahəsində aparılmış tədqiqatların mühüm nəticələrindən danışıblar. Qeyd olunub ki, Qafqaz geodinamik baxımından xeyli aktiv zonadır və bir çox dünya alimləri tədqiqatlarını bu əraziyə kökləyib. GGİ-nin tədqiqatçılarının əldə etdiyi nəticələr GPS məlumatlarına əsaslanır. Məlumatlar özlərini doğrultduğuna görə, bu cür elmi tədqiqat texnologiyalarının araşdırmalarda tətbiqi genişləndirilir.
 
Məruzələr konfrans iştirakçıları tərəfindən yüksək qiymətləndirilib. Qafqaz ərazisində geodinamik proseslərin öyrənilməsi istiqamətində səylərin artırılması üçün fikir mübadiləsi aparılıb.
 
 
Həqiqət İSABALAYEVA



Baxış sayı: 791

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






07 İyun 2020

06 06 2020

06/06/20
“Facebook”da bütün mediakontentin “Google Photo” xidmətinə daşınması imkanı əlçatan olub

“Facebook” sosial şəbəkəsində foto və videoların “Google Photo” “bulud” xidmətinə köçürülməs

06/06/20
Sinqapurda koronavirusa yoluxmaların izlənilməsi üçün sakinlərə çip paylamaq istəyirlər

Sinqapurda koronavirusa yoluxmaların izlənilməsi üçün sakinlərə çip paylamaq 

06/06/20
“Motorola” iki yeni ucuz smartfonunu təqdim edib

“Motorola” şirkəti başlanğıc səviyyəli iki yeni smartfonunu təqdim edib