PROQRAM TƏMİNATI

Tarix:20/10/14

Marketinq proqram təminatı bazarının həcmi ildə orta hesabla 12,4% artacaq

“International Data Corporation” (IDC) analitik şirkətinin proqnozuna əsasən, 2014-cü ildə marketinq sahəsində proqram təminatı bazarında təxminən 20,2 milyard ABŞ dolları məbləğində gəlir gözlənilir.

Mütəxəssislər hesab edirlər ki, yaxın bir neçə ildə bu bazarın həcmi ildə orta hesabla 12,4% artacaq. Nəticədə 2018-ci ildə sözügedən bazarda gəlir 32,3 milyard dolları ötəcək.

"ICTnews" elektron xəbər xidməti “dailycomm.ru” saytına istinadən bildirir ki, 2014-2018-ci illərdə təşkilatlar marketinq bölmələri üçün proqram təminatına ümumilikdə 130 milyard dollar xərcləyəcək.

"Marketinq təşkilatları müştərilərin xidmət keyfiyyətini yaxşılaşdırmağa, iş səmərəliliyini və biznes fəaliyyətinin göstəricilərini yüksəltməyə imkan verən yeni texnologiyalara tez yiyələnirlər" – “IDC”-nin analitiki Cerri Murrey deyib.

"Bu bazarın tam potensialı texnologiyalar, yaradıcı və texniki xidmətlər birləşdikdə özünü göstərəcək" – mütəxəssis əlavə edib.

Emil Hüseynov

Baxış sayı: 1109