XƏBƏRLƏR

Tarix:03/11/14

Azərbaycanda sığorta tələblərinin tənzimlənməsi üzrə proqram təminatı hazırlanıb

İcbari Sığorta Bürosunun (İSB) iştirakçıları olan sığorta şirkətlərinə qarşı irəli sürülən sığorta tələblərinin tənzimlənməsi prosesinin təkmilləşdirilməsi, sığorta tələblərinin tənzimlənməsi prosesinin idarə edilməsi məqsədi ilə hazırlanmış yeni proqram təminatının tətbiqinə başlanılır.

“ICTnews” elektron xəbər xidmətinə İSB-dən verilən məlumata görə, yeni proqram təminatı vasitəsilə avtonəqliyyat vasitəsi sahiblərinin mülki məsuliyyətinin icbari sığortası, daşınmaz əmlakın icbari sığortası, daşınmaz əmlakın istismarı ilə bağlı mülki məsuliyyətin icbari sığortası və sərnişinlərin icbari fərdi qəza sığortası üzrə büronun iştirakçıları olan sığorta şirkətlərinə qarşı irəli sürülən sığorta tələblərinin tənzimlənməsi prosesinin həyata keçirilməsi mümkün olacaq.

Yeni sistemin istifadəsi ilə əlaqədar olaraq İcbari Sığorta Bürosu tərəfindən cari ilin sentyabr ayından başlayaraq sığorta şirkətlərinin zərərlərin tənzimlənməsi üzrə nümayəndələrinə proqram təminatının istifadəsi ilə bağlı təlimlər keçirilib.

Qeyd edək ki, vətəndaşlar üçün büronun internet səhifəsi üzərindən sığorta tələbinin statusunun öyrənilməsi, sığorta tələbi haqqında qısa tarixçənin əldə edilməsi imkanı da yaradılacaq.

CAHANGİR

Baxış sayı: 907