PROQRAM TƏMİNATI

Tarix:05/11/14

“Windows 10” sistemi “MKV” formatını dəstəkləyəcək

“Microsoft” korporasiyası yeni “Windows 10” əməliyyat sisteminin yaradılması üzərində böyük iş görüb. Lakin ötən müddət ərzində sistemə əksər istifadəçilər üçün faydalı ola biləcək bir sıra müsbət dəyişikliklər edilib.

Belə ki, “Microsoft” nümayəndəsi Qabriel Aul “Twitter” səhifəsində "Windows 10”-da populyar “MKV” formatının dəstəklənəcəyini rəsmən təsdiq edib. Bu format əksər kompüter istifadəçilərinə məlumdur, lakin əvvəllər onunla işləmək üçün əlavə kodeklərin quraşdırılması tələb olunub.

Bildirilir ki, “Microsoft”un yeni əməliyyat sistemində “MKV” sistem səviyyəsində dəstəklənəcək. Bu isə o deməkdir ki, bu formatlı videonu quraşdırılmış “Windows Media Player” pleyeri göstərməklə yanaşı, kənar pleyer istehsalçıları da bu imkandan istifadə edə biləcəklər.

Bundan başqa, “Windows 10” “HEVC” video formatını dəstəkləyəcək. Bu, hazırda istifadəçilər arasında geniş istifadə edilməyən yeni yüksək keyfiyyətli təsvir formatıdır.

Göründüyü kimi, “Microsoft” korporasiyası "Windows 10” sistemini ərsə gətirərkən istifadəçilərə qulaq asmaq qərarına gələrək onların “Start” menyusunda yeni interfeys və ya populyar video formatlarının dəstəklənməsi kimi arzularını həyata keçirib, - "Hi-Tech News” yazır.

Baxış sayı: 869