XƏBƏRLƏR

Tarix:06/11/14

“Bakı Elm Festivalı – 2014” ilə əlaqədar Yüksək Texnologiyalar Parkına press-tur təşkil olunacaq

Noyabrın 7-də saat 11:00-da “Bakı Elm Festivalı – 2014” ilə əlaqədar media nümayəndələri üçün Rabitə və İnformasiya Texnologiyaları Nazirliyinin tabeliyində yaradılan Yüksək Texnologiyalar Parkına (Ünvan: Bakı şəhəri, Nizami küç., 203 b, AF Business House) ekskursiya təşkil olunacaq.

Məqsəd press-tur çərçivəsində ictimaiyyətə festival haqqında məlumat vermək və jurnalistləri festivalın proqramında əksini tapan məsələlərlə tanış etməkdir.

Qeyd edək ki, Azərbaycanda ilk dəfə keçiriləcək festival AMEA-nın təşəbbüsü, Bakı şəhər İcra Hakimiyyəti, Təhsil Nazirliyi, Rabitə və Yüksək Texnologiyalar Nazirliyinin təşkilati dəstəyi ilə 10-11 noyabr tarixlərində baş tutacaq.

Həqiqət İSABALAYEVA

Baxış sayı: 1451