MARAQLI

Tarix:05/09/11

Koreyalılar adi televizoru üçölçülü televizora çevirən lent hazırlayıblar

Cənubi Koreya mühəndislərindən ibarət qrup adi monitorları üçölçülü monitora çevirməyə imkan verən optik lentin hazırlanması haqqında məlumat verib.

Seul Milli Universitetinin tədqiqatçılarının bildirdiyinə görə, onların yaratdığı lent praktikada “Lutsi” adlandırılan prizmadan, yəni bütün lent üzrə prizmaların massivindən istifadə edir. Bu effekti təsvirin stereoskopik eynəkdən keçməsi ilə baş verənlərlə müqayisə etmək olar.

Tədqiqat rəhbəri və Seul Milli Universitetinin kimya mühəndisliyi kafedrasının professoru Kuk Çar Xonun fikrincə, lentin köməyi ilə əldə edilən təsvir istənilən maye kristal displeyə və ya işıq diodlar texnologiyası (LED) üzrə yaradılan displeyə daxil edilərək, demək olar, adi “3D” televizorların təsvirlərindəki keyfiyyət səviyyəsini təklif edir.

Professorun sözlərinə görə, tamaşaçılar onların yaratdığı lentin köməyi ilə üçölçülü təsviri müasir “3D” televizorlarının təklif etdikləri diapazondan daha geniş bucaq diapazonunda seyr etmək imkanı əldə edirlər.

Bununla belə o qeyd edib ki, lent orijinal üçölçülü televizorlar kimi, mənfi effektlərə də malikdir, belə ki, burada təsvir sağ və sol gözə müxtəlif tezliklərdən ötürülür, bu isə beyin üçün əlavə ağırlıq yaradaraq filmə baxdıqdan sonra başgicəllənmə və yorğunluğa səbəb ola bilər.

Koreya alimlərinin sözlərinə görə, lentin yaradılmasına yarım ildən çox vaxt sərf olunub. “3D” texnologiyaları ətrafında müasir ajiotajı nəzərə alaraq onlar lentlərin geniş miqyasda istehsalına yaxın gələcəkdə başlamağı planlaşdırırlar.

www.mincom.gov.az

Baxış sayı: 991