12px13px15px17px
Tarix:29/01/15

Bill Qeyts xarici dil bilmədiyini etiraf edib

“Microsoft” şirkətinin yaradıcısı Bill Qeyts xarici dil bilmədiyini etiraf edib. O, “Reddit” xidmətinin istifadəçiləri ilə ünsiyyət zamanı bu haqda deyib.
 
"Mən özümü axmaq kimi hiss edirəm, çünki heç bir xarici dili bilmirəm. Məktəbdə latın və yunan dillərini öyrənmişəm. Nəticədə mənim söz ehtiyatım zənginləşib, amma mən fransız, ərəb və ya Çin dillərini bilmək istəyərdim" – Qeyts deyib.
 
O, həmçinin bildirib ki, bu dillərdən birini (çox güman ki, fransız dilini) öyrənmək üçün vaxt tapmağa ümid edir. Qeyts deyib ki, o, “Duolingo” xidmətinin köməyi ilə dili öyrənməyə çalışıb, amma bunu müntəzəm etməyib.
 
"ICTnews" elektron xəbər xidməti “lenta.ru” saytına istinadən bildirir ki, “Facebook”un direktoru Mark Zukerberq Çin dilində sərbəst danışır.
 
Bill Qeyts dünyanın ən zəngin insanlarından biridir. Onun varidatı 80 milyard dollara yaxındır. O, “Microsoft”un idarəçiliyində daha iştirak etmir və ötən il şirkətin direktorlar şurasının sədri vəzifəsini tərk edib.
 
Emil Hüseynov



Baxış sayı: 502

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024