XƏBƏRLƏR

Tarix:20/04/15

Yaponiya 2018-ci ildə Aya ilk kosmik aparat göndərəcək

Yaponiya Aerokosmik Tədqiqatlar Agentliyi (Japan Aerospace exploration Agency - JAXA) aprelində 1-də başlayan 2018-ci maliyyə ilində Aya ilk enmə modullu avtomatik kosmik aparat göndərməyi planlaşdırır. Bu barədə “Kyodo News” informasiya agentliyi məlumat verib.

Hazırda dəyəri açıqlanmayan layihə üçün maliyyələşmə “JAXA”-nın missiyanın hazırlanması üçün ekspertlər komissiyasını toplayacağı 2016-cı maliyyə ilində ayrılacaq. “SLIM” (Smart Lander fo Investigating Moon) adlı kosmik aparatın kosmosa Yaponiyanın hazırlanması 2013-cü ildə başa çatan “Epsilon” raketdaşıyıcısı vasitəsilə buraxılacağı gözlənilir. Missiyanın vəzifəsi Ayda Yer peykinə sonrakı pilotlu ekspedisiyaların məqsədi ola biləcək perspektivli yerlərin aşkarlanmasıdır.

Bununla yanaşı, Yaponiya mütəxəssisləri “Hayabusa” (Şahin) aparatının İtokava asteroidinə enməsi təcrübələrindən istifadə etməyi və modulu Ayın konkret ərazisinə bir neçə yüz metrlik dəqiqliklə endirməyi planlaşdırırlar. İndiyədək belə enmələr 1 km dəqiqliklə həyata keçirilib.

Ayın tədqiqi Yaponiyanın kosmik proqramında mühüm yer tutur. 2007-ci ildə “JAXA” tərəfindən planet peykinə Ay orbitində səkkiz ay yarım qalan “Kaguya” aparatını göndərib. Bu müddət ərzində zond Ay səthinin çoxlu yüksək keyfiyyətli şəkilini çəkib. Sonradan bu şəkillərdən “Google” şirkəti tərəfindən onun üçölçülü modelinin yaradılması üçün istifadə olunub, - “TASS ” yazır.

Baxış sayı: 714