Tarix:12/09/11

Alman naziri kolleqalarını “Facebook”dan imtina etməyə çağırıb

Almaniyada istehlakçıların hüquqlarının müdafiəsi üzrə nazir İlze Ayqner kolleqalarını işçi alət kimi “Facebook” sosial şəbəkəsindən istifadə etməməyə çağırıb. Bu barədə sentyabr ayının 11-də “Der Spiegel” nəşri bildirib.

Ayqnerin fikrincə, “Facebook” düymələrini hökumət saytlarında istifadə etmək lazım deyil.

Xanım Ayqner “Facebook”un "Like" və bəzi digər xidmətlərindən istifadə edilməsinin maraqlı şəxslərə insan və təşkilatlar haqqında informasiya toplamağa kömək etməsini hesab edən məxfilik müdafiəçilərinin fikri ilə razıdır.

Bundan əvvəl Ayqner “Facebook”dan istifadədən açıq şəkildə imtina edib və bildirib ki, bu sosial şəbəkə şəxsi məlumatların müdafiəsinə az diqqət ayırır.

Baxış sayı: 1477

© İstifadə edilərkən İctnews-a istinad olunmalıdır