XƏBƏRLƏR

Tarix:12/09/11

Azərbaycan Dövlət Gömrük Komitəsi üzrə yazışmalar artıq elektron yolla həyata keçirilir

Azərbaycan Dövlət Gömrük Komitəsi (DGK) üzrə yazışmalar artıq elektron yolla həyata keçirilir.

Bu barədə məlumatı Bakıda “Elektron Gömrük Xidmətləri: Gələcəyə baxış” 3-cü Beynəlxalq elmi-praktik konfransında DGK-nın sədri Aydın Əliyev bildirib.

Onun sözlərinə görə, paralel olaraq «bir pəncərə» prinsipinin tətbiqi genişləndirilir və bu sistem yalnız sərhəddə deyil, digər strukturlarda da tətbiq olunur: «Artıq Bakı Baş Gömrük İdarəsi, Sumqayıt Gömrük İdarəsi və tədricən digər gömrük idarələri də «bir pəncərə» sisteminə keçirilir».

A.Əliyev vurğulayıb ki, artıq “elektron bəyannamə” sahəsində də müəyyən addımlar atılır: «Bu iş də başa çatandan sonra biz «Elektron hökumət» layihəsi çərçivəsində gömrüyə aid olan bütün məsələləri yerinə yetirə biləcəyik».

Baxış sayı: 2092