XƏBƏRLƏR

Tarix:11/07/15

Kitabxanada uşaqlar üçün elektron nəşrlər, “danışan kitablar”, internet oyunlarının yer aldığı “nağıl otağı” yaradılıb

Ağsu rayon Mərkəzi kitabxanasının uşaq şöbəsində “nağıl otağı” yaradılıb. Burada ənənəvi uşaq ədəbiyyatı ilə yanaşı, elektron nəşrlər, “danışan kitablar”, müxtəlif nağıl qəhrəmanlarını əks etdirən oyuncaqlar nümayiş etdirilir.

Uşaqların müxtəlif internet oyunları ilə məşğul olması üçün də şərait yaradılıb.

Mədəniyyət və Turizm Nazirliyindən bildirilib ki, bundan başqa, “Sehrli dünya” və “Göy qurşağı” kimi uşaq jurnallarından bağça müəllimələri və kitabxanaçıların köməyi ilə ucadan oxular keçirilir. “Nağıl otağı”nda gələcəkdə intellektual oyunların, bilik yarışmalarının keçirilməsi də nəzərdə tutulub.

Həqiqət İSABALAYEVA

Baxış sayı: 1935