XƏBƏRLƏR

Tarix:09/06/11

Elektron ekologiya kitabxanası

ARDNŞ Ekologiya İdarəsinin internet saytında elektron ekoloji kitabxananın yaradılması məqsədi ilə 2008-ci ildən başlayaraq beynəlxalq neft şirkətləri ilə sıx əməkdaşlıq qurulmuş və elektron kitabxana üçün zəruri materiallar toplanıb.
Şirkətin mətbuat xidmətindən verilən məlumatda bildirilir ki, “BP” şirkəti ilə əldə olunmuş razılaşmaya əsasən, bir çox kitab və buklet elektron variantda Ekologiya İdarəsinə verilib. Onların arasında Azərbaycanın biomüxtəlifliyi, Abşeron yarımadasının fauna və florası, Xəzər dənizinin su quşları haqqında və digər məlumatlar yer alıb.
Ardıcıl olaraq elektron ekoloji kitabxanada ARDNŞ-nin ekoloji layihələri, Ekologiya İdarəsinin fəaliyyəti haqqında prezentasiyalar, jurnallar, Ekoloji Ölçmə və Tullantıların İdarə Olunması, Ekoloji Monitorinq və Yaşıllaşdırma Departamentlərinin hesabatları, eləcə də elmi məqalələr yerləşdirilməsi nəzərdə tutulub.

Baxış sayı: 6034