MARAQLI

Tarix:01/10/15

Gələcəkdə smartfonlar öz-özünə məhv ediləcək

Gələcəkdə smartfonlar öz-özünə məhv ediləcək. Bu, elektronikanın ABŞ hakimiyyəti tərəfindən təklif edilən yeni inkişaf mərhələsidir. Hakimiyyət bununla telefon oğurluğu ilə mübarizə aparmağı planlaşdırır.

Bildirilir ki, ideyanın mahiyyəti telefonun kimin əlində olmasının onun özü tərəfindən müəyyənləşdirilməsidir. Məsələn, oğurluq baş verən zaman telefon avtomatik özünü məhv edəcək. İnsanın kimliyinin müəyyənləşdirilməsi üçün qurğu çoxlu fərdi xüsusiyyətlərdən yararlanacaq.

Smartfonlarda bu funksiyanın yaradılması ilə bağlı aparılan işə "Boeing" və "HRL Laboratories" şirkətlərinin mütəxəssisləri cəlb olunub. 2,5 il davam edəcək layihəyə ABŞ Daxili Təhlükəsizlik Nazirliyi 2,2 milyon dollar ayırıb.

Layihənin məqsədi smartfonların quraşdırılmış ötürücülərdən informasiya alaraq insanların profilini tərtib etməyə kömək edəcək neyromorf çipin yaradılmasıdır, - "Internetua" yazır.

Baxış sayı: 359