PROQRAM TƏMİNATI

Tarix:12/10/15

«Microsoft» şirkəti «İdarə paneli»ni ləğv edəcək

«Windows» əməliyyat sistemində 30 ildən çox mövcud olan və onun klassik elementi sayılan «İdarə paneli» əvəz ediləcək.

Gələcək dəyişikliklər

«Microsoft» korporasiyası «Windows» əməliyyat sistemindən «İdarə paneli»ni ləğv edəcək. Bu haqda «Microsoft» şirkətində proqram direktoru Brandon LeBlank “Twitter»də yazıb. O bildirib ki, «İdarə paneli» "Parametrlər" ilə əvəzlənəcək.

Dəyişikliyə səbəb

«Twitter»də müzakirədə iştirak edən «Microsoft»un vitse-prezidenti izah edib ki, eyni zamanda "İdarə paneli" və "Parametrlər"in mövcudluğu vəziyyəti mürəkkəbləşdirir: disk sahəsi və əməli yaddaş tutumunun artımı ilə nəticələnir.

Klassik element

"İdarə paneli" 1987-ci ildə istifadəyə verilmiş «Windows 2.0» versiyasından başlayaraq «Windows»un ayrılmaz elementidir. Bu panelin köməyi ilə fərdi kompüterin bütün sazlamalarını idarə etmək olar. «Windows 8»-dən başlayaraq sistemdə "Parametrlər" adlı daha bir sistem əlavəsi mövcuddur. Bu əlavənin interfeysi sensor ekranlar üçün optimallaşdırılıb. "Parametrlər"də sazlamaların sayı yeni versiyaların çıxışı və sistemin yenilənməsi zamanı artır.

Emil Hüseynov

Baxış sayı: 708